Секретаријатот за етика во албанското Собрание денеска во 11:30 часот заседава за да го разгледа барањето на пратеничката група на ДП да ги прогласи за неважечки гласовите дадени на пленарната седница на 7 март; Пријавено е дека во полициската акција со шифра „Луарза 1“, запленети се 37.336 кубни метри семки и садници канабис, 1 возило, 1 трактор и предмети што се користат за оваа криминална активност, известуваат албанските медиуми.
Ова се само дел од темите од денешниот редакциски избор на ЦИВИЛ Медиа, од албанските медиуми во регионот.
АЛБАНИЈА
Балкан Веб: Опозицијата бара откажување на гласањето во Собранието, денеска заседава Секретаријатот за етика
Денеска во 11:30 часот заседава Секретаријатот за етика во Собранието за да го разгледа барањето на пратеничката група на ДП да ги прогласи за неважечки гласовите дадени на пленарната седница на 7 март.
Групата на ДП тврди дека сите закони изгласани на седницата на 7 март треба да се прогласат за неважечки, бидејќи не бил исполнет потребниот кворум во Собранието, пренесува Балкан Веб.
Еуроњуз: Во Скадар запленети се 37.336 кубици садници канабис
Полицијата во Скадар нападна случај на обид за одгледување наркотични растенија.
Пријавено е дека во полициската акција со шифра „Луарза 1“, запленети се 37.336 кубни метри семки и садници канабис, 1 возило, 1 трактор и предмети што се користат за оваа криминална активност, пренесе Еуроњуз.
КОСОВО
Репортери: Власта инсистира Курти да не поднесе оставка, препорачува на распуштање на Собранието
Во последните неколку дена власта и опозицијата во Косово зборуваа за можност за предвремени избори. Ова е откако понудата на премиерот Албин Курти до опозициските партии дека „заедно можат да ги направат бројките за распуштање на Собранието“, ја врати дебатата за предвремени избори во земјата.
Шефот на косовската извршна власт гарантира дека на опозицијата ќе и обезбеди две третини (2/3) од потребните гласови за распуштање на Собранието на Косово и излегување на предвремени парламентарни избори.
Сепак, Владата инсистира дека оставка на премиерот нема да има. Нивниот „услов“ за одење на нови избори е распуштање на Собранието, пренесува Репортери.
Досја: Реакции по одлуката да се отвори патот за влез на Косово во Советот на Европа
Властите во Косово ја поздравија одлуката на Комитетот за политика и демократија на Советот на Европа од претходниот ден да го отвори патот за членство на Косово во овој совет, а таа е жестоко критикувана од властите во Србија.
Косовскиот премиер Албин Курти одлуката ја нарече многу големо достигнување за земјата.
Претседателот на Алијансата за иднината на Косово, Рамуш Харадинај, рече дека отворањето на патот за членство во Советот на Европа е заслуга на работата на сојузниците на земјата.
Србија е против членството на Косово во овој совет, а нејзиниот претседател Александар Вучиќ предупреди на можноста за негово заминување доколку Косово стане членка, иако во договорот постигнат пред една година во Брисел и Охрид, двете страни ветуваат дека нема да се попречуваат меѓусебно во интегративните процеси.
Двајца делегати од Србија и еден од Босна и еден од Црна Гора гласаа против препораката на Комисијата за покана на Косово за членство, додека 31 гласаа за препораката.
На 18 април се очекува Парламентарното собрание да гласа за оваа препорака, додека конечната одлука за членството на Косово се очекува во мај, на Советот на министри на Советот на Европа, пренесува Досја.
КОЛУМНА
Коха: Пет германски историчари против канцеларот Шолц
„Пет германски историчари, секој поистакнат од другиот, и се обратија на Социјалдемократската партија (СПД) на канцеларот Олаф Шолц со остро писмо. Германските медиуми го нарекуваат „Brandbrief“: огнено писмо! Најпознат потписник на писмото е Хајнрих Аугуст Винклер (85 години) од Универзитетот Хумболт. Винклер е автор на главните дела за германската историја од 20 век.
Авторите на писмото изразуваат незадоволство поради немањето јасни позиции и недостатокот на несомнена солидарност на Германија кон Украина.“, пишува Авторот Енвер Робели во колумната „Пет германски историчари против канцеларот Шолц“, објавен во Коха.
Подготви: Д. Тахири / Цивил Медиа
