На 19 ноември НАСА одржа долгоочекуван пренос во живо, на кој ја објави досега необјавената серија снимки од интерстеларниот објект 3I/ATLAS, регистрирани од повеќе свои вселенски и орбитални мисии. Но наместо спектакуларни кадри, јавноста ја доби заматената фотографија од камерата HiRISE што го разочара интернетот и отвори нов бран шпекулации.
Додека НАСА објасни дека замагленоста е очекувана поради ограничувањата во аголот и брзината на движење на објектот, аматерските астрономи и астрофотографи продолжија да споделуваат свои, визуелно „почисти“ снимки на 3I/ATLAS. Снимките на канадскиот астрофотограф Пол Крегс, направени дури и со паметен пренослив телескоп од пониска класа, повторно ја отворија дилемата околу видливоста на репот и антирепот на ексокометата.
Captured 3I Atlas last night with my Dwarf 3.#3IATLAS pic.twitter.com/NPlbLfIHwI
— Paul Craggs (@craggs_paul) November 22, 2025
3I Atlas this morning! Clouds rolled in so couldn’t get more than a few pics with only 30 second exposure.#3IATLAS pic.twitter.com/dEpWwGahpR
— Paul Craggs (@craggs_paul) November 24, 2025
Делумно намалената јасност на репните структури, според експертите, не е изненадување. Како што се намалува привидната магнитуда, односно светлината на објектот, фини детали стануваат потешки за регистрирање, особено со не-професионална опрема. НАСА предупреди дека ваквите промени не треба да се толкуваат како „аномалии“, туку како нормална последица од оддалечувањето и пригушувањето на светлината.
Сепак, Harvard астрофизичарот Ави Леб, кој веќе има издвоено 13 забележани аномалии во однесувањето на 3I/ATLAS, останува еден од најгласните научници што предлагаат дека овој објект е многу поинтересен од обичен меѓуѕвезден комет. Во својот најнов блог пост, Леб го опиша 3I/ATLAS како „исклучително редок и мистериозен објект“, дури и ако е природен, како што тврдат од НАСА.
📷 11/24 3I/ATLAS IMAGE UPDATE 📷
Peter Carson captured this image using a remote observatory based in Extremadura, Spain.
As the apparent magnitude continues to decline, some features like the tail and anti-tail will become more difficult for civilian assets to capture. Don’t… pic.twitter.com/4I03k4eifw
— Drew Doss (@drew4worldruler) November 24, 2025
Во интервју дадено по преносот, Леб повтори дека интерстеларните објекти отвораат уникатна можност за потрага по примитивни, па дури и технолошки форми на живот. Тој упати и на потенцијални идни мисии кои би можеле да слетаат на вакви објекти, слично на мисијата OSIRIS-REx која од астероидот Бену врати примероци на Земјата.
„Враќањето примерок од интерстеларен објект може да ни ги открие градивните блокови на животот од друга ѕвезда,“ вели Леб. „А доколку објектот е технолошка артефакт, тогаш научниот потенцијал е уште поголем.“
Во своите белешки тој додава дека, иако е можно да се испрати сигнал кон објектот, многу покорисно би било продолжено следење со стотици наземни телескопи, како и со орбиталните Hubble и James Webb, за да се открие неговата вистинска природа.
И покрај разочарувачката прва официјална фотографија, научниот интерес околу 3I/ATLAS сега е поголем од кога било – а и теориите околу него.
Извор: Mashable.com
Поврзано:
(ВО ЖИВО) НАСА со ексклузивни снимки и податоци за кометата 3I/ATLAS
