Во напад на нафтен терминал во близина на селото Волна, во Краснодарската област, загинаа две лица, соопшти доцна синоќа гувернерот Венијамин Кондратјев.
„Во моментов гори нафтениот терминал, зафатени се четири резервоари со нафтени деривати. Во санацијата на последиците се ангажирани 29 единици опрема и 97 лица, вклучувајќи и припадници на руското Министерство за вонредни ситуации“, изјави Кондратјев.
On Wednesday evening, Ukraine carried out strikes on the Tamanneftegaz oil and gas terminal located near the settlement of Volna in Krasnodar Krai, southern Russia.
A video below shows the activity of Russian air defenses in the area and the moment of one of the Ukrainian… pic.twitter.com/GBEXwOiJx1
— Status-6 (War & Military News) (@Archer83Able) January 21, 2026
Тој додаде дека ова е втора ноќ по ред во која Краснодарскиот крај е изложен на напади. Во ноќта меѓу вторник и среда, со дрон била погодена рафинеријата Афипски, по што избувнал пожар во постројката. Станува збор за една од најголемите рафинерии на југот на Русија, која и претходно била цел на напади со дронови. Пожари биле регистрирани и по нападите во септември и ноември минатата година.
Украина ги смета руските енергетски постројки за воени цели, оценувајќи дека тие директно го финансираат руското водење на војната против Украина. Кијив редовно изведува напади длабоко на руска територија со цел слабеење на воените капацитети на Кремљ.
Редакција Фронтлајн
