Руската противвоздушна одбрана соборила 18 дронови кои летале кон Москва, објави градоначалникот на руската престолнина, Сергеј Собјанин, пренесе државната агенција РИА Новости.
Собјанин наведе дека итните служби интервенираат на локациите каде што паднале остатоците од беспилотните летала, без да прецизира дали има жртви или материјална штета.
Поради безбедносни причини, московскиот аеродром Домодедово привремено ги ограничил доаѓањата и поаѓањата на авиони, но ограничувањата подоцна биле укинати и сообраќајот бил нормализиран.
Во меѓувреме, гувернерот на Брјанската област, Александар Богомаз, изјави дека регионот од раните утрински часови бил под масовен напад со дронови, додавајќи дека досега биле уништени 120 беспилотни летала.
🚨🇷🇺 Moscow is under attack by Ukrainian drones, sirens can be heard in the region, — Mayor Sobyanin
Preliminary reports say 18 drones were shot down. pic.twitter.com/pmMkILniht
— Molo44 🇮🇹🇺🇦 (@MoloWarMonitor) February 15, 2026
Нападите со дронови стануваат сè почести
Украина почна да изведува напади со дронови врз Москва и московскиот регион од пролетта 2023 година, со што војната за првпат директно се префрли во близина на рускиот главен град.
Во почетната фаза, нападите главно биле насочени кон симболични и административни цели, но со текот на времето станале почести и технолошки понапредни.
Руските власти редовно тврдат дека најголем дел од беспилотните летала се пресретнати или соборени од противвоздушната одбрана пред да стигнат до урбаните подрачја.
Кијив: Русија мора да ги почувствува последиците од инвазијата
Украинските власти ги опишуваат нападите како легитимни воени операции насочени кон воена и логистичка инфраструктура.
Според Кијив, целта е Русија да ги почувствува последиците од инвазијата врз Украина, додека Москва возвраќа со обвинувања дека нападите се насочени и кон цивилни цели.
Нападите со дронови во длабочината на руската територија се сметаат за дел од пошироката стратегија на Украина за ослабување на воените капацитети на Русија и зголемување на притисокот врз руските власти.
Реадакција Фронтлајн
