Од руската страна на границата помеѓу Русија и Естонија, кај преминот Ивангород-Нарва се појави провокативен билборд на кој пишува „Руските граници не завршуваат никаде“. Ова го привлече вниманието на советникот на украинскиот министер за внатрешни работи Антон Герашченко кој актот го оцени како провокацијата на Кремљ.
„Руските граници никаде не завршуваат! – стои на транспарент закачен на руско-естонската граница на граничниот контролен пункт Ивангород-Нарва. Режимот на Путин ги провоцира европските земји и сака границите да бидат затворени. Ова ќе му овозможи на режимот да го обвини Западот за поставувањето на „железната завеса“.
Русија постепено се трансформира во Северна Кореја, напиша Герашченко на социјалната мрежа Икс.
“Russian borders end nowhere!” – says a banner hung at the Russia-Estonia border at Ivangorod-Narva border control point.
Putin’s regime provokes European countries and wants the borders to be closed. This will allow the regime to blame the West for setting up the “Iron… pic.twitter.com/pn7il9alis
— Anton Gerashchenko (@Gerashchenko_en) December 3, 2023
Провокативниот билборд сo експанзионистичка содржина, дело на руската пропаганда,на кој е прикажан Путин и (неговата омилена) мечка завртена кон него, само ја нагласува зголемената тензија меѓу Русија и источното крило на Организацијата на Северноатлантскиот договор (НАТО), на кое, како најистурена земја членка (од скоро и Финска) се наоѓа Естонија.
Естонија која неколку пати низ историјата била окупирана од Русија ( царска, Советска) не престанува да биде цел на аспирациите на руските лидери.
Но, овој пат, Естонија не е сама. Таа е членка на ЕУ и НАТО, и како таква е дел од колективниот одбранбен систем на алијансата.
На само 1070 километри од естонско-руската граница, каде ос руска страна беше поставен билбордот со провокативна содржина, во оклолината на естонскиот град Тапа се наоѓа базата на НАТО.
Новинарот на Цивил Медиа , кој во рамките на програмата „ Seeing is Believing“ за градење на јавното разбирање за НАТО и отпорноста на Балканот, заедно со група новинари од Северна Македонија и Црна Гора престојува во Талин, Естонија, рисуствуваше на секојдневните активности на 3000 припадници на здружените сили на Алијансата и имаше можност да се увери во нивната подготвеност да ги одвратат агресорите од исток во нивните намери да ги загрозат слободата и демократските вредности на сојузниците.
Фото: Д. Мишев / ЦивилМедиаВо НАТО контингентот во базата во Тапа партиципираат војници од вооружените сили на Естонија, Обединетото Кралство, Франција и САД, кои се тука, меѓу другото, и да ги тренираат естонските војници да ги опслужуваат системите за одбрана ХИМАРС, кои се покажаа особено ефикасни против руските агресори во Украина.
За потсетување, поради притисокот од илегални мигранти од трети земји испратени од Русија на границите со Финска и Естонија, како дел од хибридната војна на Путин, финската Влада уште во четвртокот минатата недела целосно ги затвори границите со Руската Федерација, во тест период од 14 дена, кој, според финската министерка за внатрешни работи Мари Рантанен ќе биде можно да се продолжи доколку е потребно.
Истиот чекор го разгледува и Естонија. Со затворањето на границите во Финска, илегалните мигранти почнаа да се слеваат во оваа балтичка земја, додека сообраќајот на естонско-руската граница се зголеми за една четвртина.
Драган Мишев / Цивил Медиа
