Косовските институции се уште немаат подготвено финален истражен извештај за нападот на 24 септември во Бањска и Звечани, а според политичките експерти, извештајот би требало да биде изготвен пред пред Самитот на Европскиот совет што ќе се одржи на 14 и 15 декември.
Во Тирана, во Специјалното обвинителство сведочат службеници на полицијата за нередите од опозицијата во албанскиот парламент.
Во продолжение се темите од редакцискиот избор на ЦИВИЛ Медиа, од албанските медиуми во регионот, за денешното издание на АЛ-Прес.
КОСОВО
Газета Експрес: Косово се уште нема конечен истражен извештај за нападот во Бањска
Косовските институции се уште немаат подготвено финален истражен извештај за нападот на 24 септември во Бањска и Звечани, пренесе Газета Експрес.
Од Специјалното обвинителство не соопштуваат кога ќе биде готов ваков извештај, велат дека не можат да дадат информации за случаите кои се во фаза на истрага. Професорите по кривично право велат дека Косово доцни во оваа насока, а познавачите на политичката ситуација оценуваат дека Косово треба да има ваков извештај пред Самитот на Европскиот совет што ќе се одржи на 14 и 15 декември.
Телеграфи: Обвинителот Морина за масакрот во Дубрава: 88 обвинети се под истрага, еден е во притвор
Специјалното обвинителство на Република Косово денеска обелодени информации во врска со поднесувањето обвиненија за воени злосторства, пренесе Телеграфи.Обвинителот Илир Морина на прес-конференција рече дека под истрага се 88 обвинети за масакрот во Дубрава.
Масакрот во затворот Дубрава се случи од 19 до 22 мај 1999 година, каде српските полициски сили, стражарите и српските паравоени сили од 19-22 мај 1999 година убија и масакрираа во овој затвор 97 албански затвореници од различни делови на Косово.
Газета Блиц: Специјалното обвинителство на Косово досега поднело 33 обвиненија за воени злосторства
Обвинителката Дрита Хајдари на прес конференција на Специјалното обвинителство на Косово соопшти дека поднесени се обвиненија за воени злосторстава.
Во однос на обвиненијата, ве известувам дека досега локалните обвинители поднеле вкупно 33 обвиненија со 89 лица. По добивањето на овластувањата тие се соочија со бројни проблеми бидејќи сторителите на овие кривични дела не беа на Косово, повеќето беа во Србија“, изјави Хајдари, пренесе Газета Блиц.
АЛБАНИЈА
НОА: Обвиненија за уништување имот по бунтот во Собранието, полициската станица бр.1 известува за насилните инциденти до СПАК
Комесаријатот бр. 1, во соработка со агенти на БКХ, до СПАК ги достави материјалите во Специјалното обвинителство за насилните инциденти и хаосот што го предизвикаа пратениците на групата Барди и Бериша на вчерашната седница (7 декември) на која се гласаше според буџетот за 2024 година, пренесе НОА.
КОЛУМНА
Топ Чанел: Од декември до декември
Во доцните 1990-ти, Албанците имаа надеж дека Албанија ќе влезе во нова ера. Таа на нормален политички развој, пишува авторката Моника Стафа.
Стафа дава осврт на општествено –политиката транзиција во Албанија, од времето по падот на режимот на Енвер Хоџа, опишувајќи ги новите политички прередувања до денешен ден.
„Тоа беше време кога салата за изведби на Академијата за уметности беше исполнета со интелектуалци кои сфатија дека формата на политичката борба е променета. Но, не и војната во целина. Беа создадени нови порамнувања. Но, опозицијата сè уште не го доби лицето што ѝ требаше. А ниту старата моќ не беше подготвена да се предаде или да се повлече. И тоа немаше да биде долго време.“, пишува Моника Стафа во колумната „Од декември до декември“, објавена во Топ Чанел.
Подготви: Д. Тахири / Цивил Медиа
