Не е првпат Европската Унија преку годишните извештаи да ѝ потсети на Македонија дека владеењето на правото, борбата против корупцијата и уставните измени се меѓу клучните услови земјата да ги започне преговорите и да стане дел од ЕУ. Но, сите европски барања, според него, на крајот се занемарени или добиле поинаква насока.
„Во последните 15 години, ЕУ кон Македонија ја имаше реформата и владеењето на правото како главен услов – исклучувајќи го само прашањето за името. Во последните години, независноста на судството и уставните измени никако не наоѓаат конкретен одговор и акција од владите во Скопје, па ни од актуелната влада, која, изгледа, ќе треба повеќе време за да се убеди дека без исполнување на барањата на ЕУ ќе биде тешко да се добијат европските фондови и да започнат преговорите со Унијата,“ вели Ибраими.
Тој додава дека според последните реакции во Скопје, постои волја само на зборови, а многу малку дела во однос на забелешките што доаѓаат од Брисел или Вашингтон.
„Со зајакнување на национализмот во Скопје, ќе биде сè потешко меѓудржавните прашања, особено историските, да најдат решение. Македонија сега има шанса да покаже дека сака да направи повеќе и да остане надвор од српската политика на влијание. Ако размислува само за европските пари, а многу малку за реформите, тогаш ЕУ ќе остане далечна, а владата ќе има потешкотии да ги реши споровите со соседите,“ нагласува Ибраими.
Според него, 2026 година може да донесе промени во однос на европските барања, доколку владата конечно одлучи да преземе нешто во корист на интеграциите.
„Ако не, тогаш Македонија ќе остане само назад – со внатрешни кризи и проблеми со соседите. Во моментов нема сила што ја принуди владата во Скопје да се ослободи од сегашниот начин на размислување,“ додава тој.
„Да се надеваме дека актуелната политика ќе се помести кон ЕУ и ќе има повеќе конкретни чекори,“ заклучува Селим Ибраими од ISSD Македонија.
Дестан Јонузи
