Политичката групација Occupy Democrats објави остра критика упатена кон американскиот претседател откако руските сили извршија нов напад со балистички ракети врз енергетската инфраструктура во Кијив. Во својата најнова објава, тие директно го обвинуваат Трамп за прекинување на разузнавачката соработка со Украина, цитирајќи ги изјавите на украинскиот претседател Володимир Зеленски.
Пренесувајќи го ставот на Демократите, објавата започнува со остар тон:
„Претседателот Зеленски јавно го прозва Трамп откако САД ОДБИЈА да ја предупредат Украина дека доаѓаат руски ракети, разнесувајќи клучна електрична централа и станбена зграда! Ова е непростливо…“
Во написот понатаму се истакнува дека претседателот на Украина се огласил на социјалната мрежа Твитер (Х) за да му соопшти на светот дека „американската војска ПРЕСТАНАЛА да ѝ кажува на Украина кога доаѓаат руски ракети – а сите знаеме кој е одговорен за тоа.“
Occupy Democrats во целост ги пренесуваат изјавите на Зеленски по нападот:
„Руски напад со балистички ракети врз Кијив. Повторно, без рано предупредување од нашите партнери. Главната цел беше енергетската инфраструктура, поточно ТЕЦ-4 (CHPP-4). За жал, беше погодена. Оштетена е и станбена зграда, а спасувачите во моментов гаснат пожар таму. Нашите системи ги открија овие ракети дури кога беа практично на приближување кон Кијив. ТЕЦ-4 е еден од клучните енергетски објекти во Кијив.“
„Според нашето разузнавање, Русите подготвуваат дополнителни лансирања на балистички ракети. Фактите покажуваат дека Русите не се сметаат за обврзани од она што го кажа претседателот на САД. Украина го поддржа енергетскиот прекин на огнот. Русија таргетира уште една електрана и животите на нашиот народ.“
„И ова е апсолутно неправедно: кога тие ја уништуваат нашата енергетска инфраструктура, а Украина дури и не добива рани предупредувања за лансирање балистички ракети. Важно е светот да не молчи за ова. И важно е САД навистина да видат што се случува и кој е одговорен за продолжувањето на оваа војна.“
Осврнувајќи се на пошироката политичка слика, групацијата го напаѓа Трамп за неговите неодамнешни потези, поврзувајќи го прекинот на размената на разузнавачки информации со увозот на руски енергенси:
„Трамп и Зеленски се судираат во последните денови бидејќи Трамп ја турка Украина под автобус за да направи договор за дизел со Русија и да се обиде да си ја спаси кожата на среднорочните избори – и се чини дека сега Трамп ги става во опасност луѓето во Украина и нивната благосостојба со тоа што одбива да обезбеди разузнавачки информации за лансирањето руски ракети.“
На крајот од објавата, Демократите не штедат зборови за американскиот лидер во врска со неговите тврдења за наводен договор меѓу Москва и Кијив:
„Трамп постојано зборуваше за тоа како ги принудил Русија и Украина на ‘енергетски прекин на огнот’, кој Русија очигледно го прекршува. Тој е слаб и патетичен човек кој сега тера уште повеќе невини луѓе да страдаат за да го заштити сопственото его и да ѝ служи на својата себична агенда.“
