На седницата на Главниот координативен кризен штаб за справување со ковид-пандемијата вечерва (17 јануари) учествуваа и претседателот на Комисијата за заразни болести, Жарко Караџовски и претседателката на ЗЕЛС и градоначалничка на Скопје, Данела Арсовска. Тема на седницата беше почетокот на школската година.
На непријатно изненадување на сите присутни, Данела Арсовска, како прв човек на ЗЕЛС, на два дена пред крајот на распустот, како што дознава Фронтлајн, немала став дали треба да се продолжи распустот или наставата да започне од четврток оваа недела.
Немањето став Арсовска го правдала со тоа дека ЗЕЛС немал време да заседава, наспроти тоа што прашањето за должината на распустот е тема на расправа во јавноста во текот на целиот распуст. Арсовска стана веќе ноторно позната по тоа дека нема став, не знае или смета дека не е надлежна за исклучително важни прашања.
Како и да е, градоначалничката на Скопје и претседателка на ЗЕЛС не мора да се мачи да формира мислење околу оваа тема, бидејќи Владата ѝ ја заврши работата.
Владата пресече, второто полугодие ќе започне на 1 февруари. Одложувањето на почетокот на полугодието, според одлуката на Владата, наставните програми ќе се прилагодат така што крајот на учебната година ќе биде на вообичаениот датум – 10 јуни.
Д. Е.