Украина денес се наоѓа во 386-от ден војна, откако Русија изврши инвазија врз земјата.
Ова се главните теми кои го одбележаа денешниот ден.
Политика
Неиспровоцираната, варварска војна на Русија против Украина го принуди светот да се соочи со многу вознемирувачки прашања. Русија мора да биде отстранета од Советот за безбедност на ОН, изјави министерот за надворешни работи на Украина, Дмитро Кулеба.
Украинскиот претседател, Володимир Зеленски, во своето редовно , ноќно, последно обраќање до сонародниците ноќеска истакна дека вчерашниот ден беше плоден меѓународен ден за неговата земја и за украинската одбрана.
Германскиот канцелар Олаф Шолц денеска, обраќајќи се пред Бундестагот, истакна дека гарантира натамошна воена помош за Украина, како од Германија, така и од европските земји.
На денешен ден во 2022 година, руските напаѓачи фрлија моќна бомба врз Драмскиот театар во Мариупол, каде стотина луѓе се криеја, а надвор од зградата беше испишан зборот „Деца“.
Терористичката држава ќе одговара за се што направила, изјави украинскиот претседател Володимир Зеленски.
Украинскиот министер за надворешни работи Дмитро Кулеба и американскиот државен секретар Антони Блинкен разговараа за формулата за мир на Украина и начините за забрзување на снабдувањето со артилериска муниција.
Поминаа девет години од руската анексија на украинската автономна република Крим, која се наоѓа на горниот брег на Црното Море.
Истрага на Обединетите нации за кршење на човековите права од руската инвазија на Украина не заклучи дека имало геноцид во Украина, изјави денеска нејзиниот претседавач.
Франција беше обвинета за забавување на планот на Европската унија да го зголеми снабдувањето со муниција во Украина со барање гранати да се произведуваат во рамките на блокот.
Полска ќе и ги предаде првите четири борбени авиони МиГ-29 на Украина во наредните денови, изјави полскиот претседател Анджеј Дуда на 16 март, цитиран од весникот „Жечпосполита“.
Фронт
Во последните 24 часа беа пријавени руски напади во областите Донецк, Херсон, Харкив, Чернихив, Суми, Запорижје и Луганск на истокот, југот и северот на Украина.
Украинските војници со автоматско оружје на нивна територија собориле лесно достапен вооружен дрон од кинеско производство.
Подготви: А. Ристески
