Утрово околу осум часот во основното училиште „Владислав Рибникар“ во општина Врачар во Белград дошло до пукање во кое има осум загинати деца и чувар.
Осум ученици и чувар загинаа во основно училиште во Белград откако 14-годишно момче пукало со огнено оружје. Шест ученици и еден наставник се тешко повредени, соопшти МВР на Србија.
Повредените се хоспитализирани. Меѓу нив има и во тешка здравствена состојба.
„Во училишниот двор е пронајден и приведен ученикот од ова училиште К.К.(2009), кој е осомничен дека го сторил ова дело. Сите полициски сили се уште се на терен и интензивно работат на расветлување на сите факти и околностите што довеле до оваа трагедија“, се наведува во соопштението на белградската поиција
Во Владата на Србија во 13 часот и 15 минути ќе се одржи вонредна прес-конференција по повод трагедијата што се случи во основното училиште „Владислав Рибникар“. На прес-конференцијата ќе се обратат министерот за образование на Србиоја, Бранко Ружиќ, министерката за здравство Даница Грујичиќ и претставник од МВР на Србија.
Поранешниот српски кошаркар Душко Савановиќ бил пред училиштето во центарот на Белград.
Поранешниот репрезентативец и прославен ас дојде на местото на невидена трагедија, бидејќи и неговото дете учи во споменатото основно училиште „Владислав Рибникар“, пренесува Телеграф.
Она што се случи утрово е без преседан во историјата на Србија, пишува српска Нова.
Ј. Ѓ.
