Повеќе од 5.200 луѓе загинаа, а најмалку 10.000 се водат како исчезнати во катастрофалните поплави што ја зафатија источна Либија. Министерството за внатрешни работи на источната либиска влада извести за најмалку 2.300 загинати, додека Меѓународниот Црвен крст процени 10.000 исчезнати.
#BREAKING The death toll from devastating floods in Libya’s eastern city of Derna has reached 5,200, a spokesman for the Interior Ministry of one of Libya’s rival governments says pic.twitter.com/bIcPIptuj9
— dpa news agency (@dpa_intl) September 12, 2023
Околу една четвртина од источниот град Дерна е уништен откако брана пукна во големата бура што ја погоди Либија.
Либија е политички поделена меѓу истокот и западот, а јавните служби се распаднаа по бунтот поддржан од НАТО во 2011 година, кој поттикна долгогодишен конфликт. Меѓународно признатата влада во Триполи не ги контролира источните области.
Земјата е во политички хаос откако долгогодишниот владетел полковник Моамер Гадафи беше соборен и убиен во 2011 година – оставајќи ја нацијата богата со нафта поделена и со две влади.
Според либискиот новинар Абдулкадер Асад, ова ги попречува напорите за спасување бидејќи различните влади не се во можност да одговорат агилно на природна катастрофа.
„Нема спасувачки тимови, нема обучени спасувачи во Либија. Сè во последните 12 години беше во знакот на војна“, изјави тој за Би-Би-Си.
„Има две влади во Либија… и тоа всушност ја забавува помошта што доаѓа во Либија бидејќи е малку збунувачки. Имате луѓе кои ветуваат помош, но помошта не доаѓа“, додава тој.
Бурата што донесе големи поплави во Либија започна пред повеќе од една недела како бурата Даниел над Грција. Донесувајќи рекордни количества дожд за неколку дена и големи поплави во делови од источна Грција, полека се движеше кон југ преку Медитеранот.
The devastating Medicane that hit #Libya deadly flooding, can be seen in Met-11 imagery as it made landfall, via Jochen Kerkmann #LibyaFloods pic.twitter.com/VLXFcBbd3j
— EUMETSAT Users (@eumetsat_users) September 12, 2023
Г. Т.
