Во Албанија продолжува постапката против поранешниот премиер Сали Бериша за одземање на пратеничкиот имунитет поради вмешаност во приватизацијата на земјиштето на поранешниот спортски комплекс „Партизани“ во Тирана.
Грчкиот медиум „Прототема“ пишува дека без ослободување на Белери, грчкото вето нема да се надмине.
Ова се само дел од темите од редакцискиот избор на ЦИВИЛ Медиа, од албанските медиуми во регионот, за денешното издание на АЛ-ПРЕС.
АЛБАНИЈА
Перископи: Бериша пред губење на пратеничкиот имунитет, опозицијата најави протести
Советот за мандатно-имунитети во Парламентот на Албанија по повеќе од 6 часа седница го одобри барањето на Специјалната антикорупциска структура (СПАК) за одземање на пратеничкиот имунитет на поранешниот премиер Сали Бериша.
Одлуката на Совет го отвора патот за гласање на пратениците на пленарната седница, овој четврток (21.12) за одземање на имунитетот на поранешниот премиер Бериша и ставање на располагање на правдата да се испита во врска со сомневањата, за вмешаност на неговата „пасивна корупција во соработка“ во приватизацијата на земјиштето на поранешниот спортски комплекс „Партизани“ во Тирана, пренесе Перископи.
Панорама: Прототема – „И покрај притисоците од ЕУ, Атина нема да се повлече“
Грчкиот медиум „Прототема“ напиша текст за односите Албанија-Грција, неодамнешните тензии меѓу двете земји поврзани со прашањето „Белери“, грчкото вето на преговорите, како и многу други прашања.
„Прототема“ пишува дека без разлика колку премиерот Рама се обидува да им изгледа добар на Европејците, Грција нема да отстапи ниту по притисокот од ЕУ.
Без ослободување на Белери, грчкото вето не може да се надмине, пренесува Панорама.
КОСОВО
Ораинфо: Безвизно движење од 1 јануари, достапен и телефонскиот број за добивање информации
Од 1 јануари 2024 година, граѓаните на Косово ќе се движат слободно во Шенген зоната без да чекаат пред странските амбасади за да добијат виза.
Во врска со либерализацијата на визите, владината веб-страница Европска интеграција на Косово во последните недели дава различни информации, неопходни за граѓаните, пренесе Ораинфо.
РТК – Курти: Убиствата на деца во Косово се најстрашните злосторства на Србија
Премиерот на Република Косово, Албин Курти, изјави дека убиствата на деца на Косово се најстрашните злосторства во Србија, за време на изложбата на фотографот Кораб Красниќи и кустосот Веса Сахатчиу, посветена на децата убиени, исчезнати и погодени од војната во Косово.
Курти понатаму рече дека оваа изложба отворена во Министерството за правда, покрај тоа што е посебен простор за комеморација, е и покана да размислиме за начинот на кој размислуваме и претставуваме загуба, индивидуална или колективна, пренесе РТК.
КОЛУМНА
Панорама: Идеологијата, Албанија, политичкиот хаос измеѓу
Албанија, во отсуство на одредени идеологии, е земја која не е едноставно хаотична, но која не му дава можност на нејзиниот едноставен граѓанин правилно да суди за безбројните проблеми што го опкружуваат напредокот на економијата, насоката на политиката, социјалните односи, недефинирани класи итн…, пишува авторот Бен Андони во колумната „Идеологијата, Албанија, политичкиот хаос измеѓу“, објавена во Панорама.
Подготви: Д. Тахири / Цивил Медиа
