Пишува: ДЕСТАН ЈОНУЗИ
Заедничкиот консензуален став на јавното мислење, опозициските гласови и на политиколозите е дека сегашната влада нема јасен пристап во однос на патот на земјата кон Европската Унија (ЕУ).
Од друга страна, институционалната деградација и непочитувањето на Албанците е причина за поделбата во рамките на владиниот коалициски партнер ВЛЕН.
Според податоците од анкетите спроведени од Алијансата за Албанците (АА), за кои зборуваше и лидерот на оваа партија, Арбен Таравари, околу 70% од Албанците не се задоволни од работата на Владата, поточно на ВЛЕН.
Затоа, неодамнешните потези на Арбен Таравари предизвикаа турбуленции, не само во коалицијата ВЛЕН, туку и за премиерот и лидер на ВМРО-ДПМНЕ, Христијан Мицкоски.
Со постапките на Травари, оваа влада го доби својот прв морален удар. Оваа ситуација не само што ќе предизвика политичка нестабилност во рамките на владината коалиција, туку со текот на времето би можела да предизвика и предвремени парламентарни избори.
Засега, потегот на Таравари предизвикува концентрични кругови на кризи. Првата криза е поврзана со коалицијата ВЛЕН, која, условно кажано, се закочи, при што Таравари се отцепи од неа, додека другите партии што останаа во рамките на ВЛЕН формираа своја партија.
Другото прашање е што пратениците на АА, петмина на број, утре ќе формираат своја пратеничка група, разликата помеѓу пратениците кои се и оние кои не се во ВЛЕН е голема, 22 наспроти 9. Ова нема да предизвикува веднаш парламентарна криза, но со текот на времето може да предизвика притисок за нови парламентарни избори или за промени во парламентарното мнозинство.
Од друга страна, најголемата партија во земјата, СДСМ, исто така изрази сомнежи во врска со изјавите на премиерот дека владиното мнозинство е стабилно и дека нема проблеми во рамките на владината коалиција. Според опозицијата, владината коалиција не е стабилна и тоа го покажуваат фактите на терен, за разлика од изјавите на премиерот и другите владини претставници.
Во меѓувреме, албанската опозициска ДУИ, која е воедно и најголемата партија со број на пратеници Албанци во земјата, вели дека премиерот Христијан Мицкоски е неспособен да води мултиетничка држава.
ДУИ изразува загриженост за континуираните напори на Христијан Мицкоски да се наметне како тутор на албанската политичка сцена.
