Заев дури сега не треба да брза со формално поднесување на оставката во собраниска процедура, бидејќи иницијативата е на страна на опозицијата, пишува Сашо Орданоски во најновата колумна. Јунаци. Ќе убиваат, ќе палат, ќе колат, ќе бесат и ќе силуваат. Така си ја замислуваат луѓето правдата. И го искажуваат тоа онака како што ги разбрале своите политички претставници и лидери, пишува Џабир Дерала. ЕСМ: Планско исклучување на Блок 1 заради санација на скината цевка, враќање на мрежа до вечер.
ФРОНТ, ESPRESSO, РЕНДГЕН
Среде заглушувачката врева од испуканите балони. Правда! Тоа е во устата и под прстите на тастатурата на политичарите и нивните онлајн војски. Јунаци. Ќе убиваат, ќе палат, ќе колат, ќе бесат и ќе силуваат. Така си ја замислуваат луѓето правдата. И го искажуваат тоа онака како што ги разбрале своите политички претставници и лидери, пишува Џабир Дерала.
„Дојди зло, оти без тебе уште позло!“- Опозицијата побрза, јавајќи на моментниот „висок бран“ на локалните изборни резултати, да се пофали со ново мнозинство во Собранието. Власта, со право, сега вели повелете, да гласаме, па да видиме дали го имате или не. Заев дури сега не треба да брза со формално поднесување на оставката во собраниска процедура, бидејќи иницијативата е на страна на опозицијата, пишува Сашо Орданоски во најновата колумна.
Поезија на „Првата линија“. Од денеска, 8 ноември, секој ден во 20 часот, Фронтлајн објавува една поетска творба, по избор на Тања Кармзова Костиглиола, македонска поетеса која живее и работи во Париз, Франција.
Дијалог со Ортега.
ПОЛИТИКА
Што после Заев? Не треба да бидеме изненадени со решение што не е директно од СДСМ за мандатар, за да се одвојат тие две агенди и борби, во обид да се оневозможи нефер влијание на функцијата во Владата на подоцнежниот партиски избор, анализира Петар Арсовски.
Села: Не се согласувам со ставовите на Левица и немам контакт со Апасиев. Исто така и Арјанит Хоџа од Движење Беса пред две недели рече дека е против политиките на Апасиев кои ги нарече антиамерикански и антиалбански.
ЕКОНОМИЈА
ЕСМ: Планско исклучување на Блок 1 заради санација на скината цевка, враќање на мрежа до вечер. Од АД Електрани на Северна Македонија информираат дека заради дефект во котелот на Блок 1 за кој не постоеше никаква можност да биде саниран додека постројката е во функција, синоќа во 3 часот Блок 1 е исклучен од електроенергетската мрежа на државата. Се работи и на оспособување на Блок 2 кој беше во ремонт и се очекува и оваа постројка да биде на мрежа до крајот на неделава.
Од утрово РЕК Битола не произведува струја, двата блока се во прекин. Утре комисијата предводена од министерот за економија Крешник Бектеши ќе бара Владата да прогласи кризна состојба поради енергетската криза. Тој тврди дека рестрикции не се потребни.
ПАНДЕМИЈА
Активни над 8 илјади случаи на ковид-19. Досега во земјата се направени вкупно 1.407.769 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 206.077. Оздравени се 190.806 пациенти, а починале 7.232 лица. Бројот на активни случаи е 8.039.
Двајца мажи на возраст од 35 и 38 години починаа во штипскиот Ковид-центар. Во Инфективното одделение се хоспитализирани 54 пациенти, од кои 48 се на кисолородна поддршка, а на Кожното одделение се лекуваат девет пациенти.
СВЕТ / ЗЕЛЕНА
Извештај: Глобалното затоплување ќе ги уништи економиите на земјите во развој.
Наодите на Кришчн Ејд покажуваат дека на повеќе од една третина од земјите во светот итно им е потребна помош за градење отпорност за да можат нивните економии да ги издржат горештините, сушите, поплавите и бурите, кои стануваат поинтензивни и посмртоносни поради глобалното затоплување.
И. Т. З.
