Руската агресија врз украинските цивилни објекти и унфраструктура во повеќе региони во Украина во изминативе 24 часа според извештаите на Укринформ, резултира со цивилни жртви, повредени, унишени домови и евакуирани деца.
Руската војска истрела 514 гранати врз регионот Херсон во изминатите 24 часа, при што загинаа двајца. Петмина се повредени од кои една 86 годишна жена. Почина уште еден од повредените при рускиот ракетен напад на терминалот Нова Пошта извршен на 21 октомври. Уште 82 деца се евакуирани од областите Бахмут и Покровск во регионот Доњецк.
Руските трупи извршија 95 гранатирачки напади врз регионот Херсон во изминатите 24 часа, при што загинаа две лица, објави на Фејсбук Олександр Прокудин, шеф на регионалната воена администрација.
„Во текот на изминатите 24 часа, непријателот изврши 95 гранатирачки напади, испукајќи 514 гранати од минофрлачи, артилерија, Град МЛРС, тенкови, дронови и авиони. Непријателот истрела 46 гранати врз градот Херсон“, рече тој.
Според Прокудин, Русија извршила 42 бомбашки напади КАБ врз населените места во регионот Херсон, вклучително и во областите Берислав и Херсон.
Тој рече дека руската војска гаѓала населени места, простории на медицинска установа, територија на образовна институција во областа Берислав и центар на заедницата во Херсон.
Две лица загинаа, а четворица се повредени како резултат на руска агресија, додаде Прокудин.
Тој утрово изјави дека „руските сили утринава гранатираа населени места во јужниот украински регион Херсон, при што рани 86-годишна жена.
Прокудин објави фотографија од Новоберислав каде руската војска фрлила четири наведувани бомби, при што биле оштетени домови и помошни објекти.
Еден од повредените при рускиот ракетен напад на терминалот Нова Пошта на 21 октомври, почина во Харкив, објави на Телеграм, шефот на Регионалната воена управа на Харкив, Олех Синиехубов.
„Дваесет и петгодишен маж кој беше хоспитализиран како резултат на окупаторскиот напад на терминалот Нова Пошта утрово почина во болница. Наше сочувство до семејството и пријателите! Така, рускиот удар ги однесе животите на седум лица. Уште 12 се на лекување, двајца од нив се на интензивна нега“, изјави Синиехубов.
Вечерта на 21 октомври руската армија истрелала два ракети С-300 на терминалот Нова Пошта во Коротич, во областа Харкив.
Уште 82 деца се евакуирани од областите Бахмут и Покровск во регионот Доњецк, изјави вршителот на должноста началник на регионалната воена управа на Доњецк, Ихор Мороз на Фејсбук.
„Од денес (29 октомври 2023 година), 82 деца се веќе евакуирани. Тринаесет од нив се евакуирани денеска, заедно со нивните родители или законски старатели. Во меѓувреме, вкупно 213 лица допрва треба да бидат евакуирани.“, напиша Мороз.
Ј. Ѓ.
