Усвојување на предлог Законот за укинување на ДДВ на основните прехрамбени производи – доколку се согласуваат и партиите од парламентарното мнозинство, ќе значи месечна заштеда за граѓаните и до 2.000 денари. Со предлог Законското решение се опфатени над 250 категории на производи за кои ДДВ-то ќе се намали од 5% на нула проценти.
Учеството на храната и пијалакот во потрошувачката кошничка изнесува 23.000 денари, ефектите од оваа мерка со заштеда и до 2.000 денари значително ќе влијаaт на заштита на стандардот на граѓаните и состојбата на семејните буџети.
„За спроведувањето на предлог-законот не е потребно обезбедување на финансиски средства и оваа мерка нема да може да биде изиграна од трговците како што тоа се случи со мерките на Владата на Христијан Мицкоски“, вели предлагачот на мерката – опозициската СДСМ.
Од друга страна, дел од експертите сметаат дека предлогот за укинување може да има позитивно влијание врз буџетот на домаќинствата, особено за поранливите категории на граѓани, кои би можеле да заштедат месечно од 1.200 до 2.000 денари. Според, поранешниот министер за финансии, Кирил Миноски, оваа мерка, во контекст на актуелната инфлација и растечките трошоци за живот, може да го намали притисокот врз граѓаните и да придонесе за краткорочно подобрување на куповната моќ.
Економистите со кои се консултираше „Фронтлајн“ велат дека ваквите мерки би може да имаат значајна улога на животниот стандард на граѓаните.
-Укинувањато на ДДВ може да има позитивно влијание врз буџетот на домаќинствата, особено за поранливите категории на граѓани, кои би можеле да заштедат месечно од 1.200 до 2.000 денари. Оваа мерка, во контекст на актуелната инфлација и растечките трошоци за живот, може да го намали притисокот врз граѓаните и да придонесе за краткорочно подобрување на куповната моќ, велат тие.
СДСМ предлага укинување на ДДВ на прехранбени производи кое сега изнесува 5 проценти. Од ВМРО – ДПМНЕ сметаат дека станува збор за демагогија и нема да ги поддржат законските измени. Министерството за Економија најави ригорозни мерки доколку има ценовен шок.
Дестан Јонузи
