МИНИСТЕРСТВОТО за здравство соопшти дека во изминатите 24 часа се регистрирани 24 нови случаи на корона вирус и тоа во Скопје (15), Куманово (четири), Дебар (два), Охрид (еден), Штип (еден), Тетово (еден), со што вкупниот број дијагностицирани пациенти со корона вирус денеска до 12 часот изнесува 201 лице.
ВИЦЕПРЕМИЕРОТ задолжен за европски прашања Бујар Османи смета дека земјава остварила голема победа со тоа што добила одлука за почеток на преговорите со ЕУ, нешто што, како што вели, 15 години не можела да го направи поради ветото на разни земји.
ОСМАНИ, на прес конференција денес соопшти дека согласно потребите на земјата за справување со пандемијата од корона вирусот, од ЕУ и помошта од меѓународните донатори ќе бидат обезбедени средства за поддршка на буџетот како и 55 аспиратори за Клиниката на инфективни болести и други потребни материјали
ГРАДОТ Скопје како град на солидарноста и како збратимен град со Загреб ќе испрати хуманитарна помош по големите земјотреси коишто деновиве го погодија главниот град на Хрватска и предизвикаа голема материјална штета.
ВО соработка со Министерството за здравство и во партнерство со Универзитетската клиника за психијатрија, УНИЦЕФ денеска отвори две нови телефонски линии за поддршка на менталното здравје и психо-социјална поддршка на тинејџерите и на нивните родители и на родителите на деца со попреченост погодени од кризата со КОВИД 19.
ВО изминатото деноноќие, според евиденцијата на МВР, само едно лице не ја почитувало самоизолацијата, а 37 биле приведени поради непочитување на забраната за движење.
МОБИЛНИ тимови организирани од општина Кисела Вода денес вршат прскање за дезинфекција во зградите во урбаните заедници Драчево и Расадник.
ГРАДОНАЧАЛНИЧКАТА на Битола Наташа Петровска изврши увид на градежните активности и поставувањето на т.н. дезинфекциони корита за моторните возила кои влегуваат во градот Битола.
ЗАМЕНИК министерот Павлески рече дека заедно со градоначалникот на општина Прилеп, Илија
Јованоски, вршат увид на дел од активностите кои локалната самоуправа ги
презема во справувањето со корона вирусот.
ВО поширокиот регион на Гостивар во трите околни општини има само еден случај на заболен од КОВИД 19. Лицето е згрижено во инфективното одделние во општата болница. Засега е со лесна клиничка слика.
НЕЕКСПЛОДИРАНА експлозивна направа од типот кашикара е пронајдена денеска пред затворот во Тетово. Бомбата е пронајдена од вработен во затворот а била оставена покрај неговото возило паркирано пред затворот.
ГЕНЕРАЛНИОТ директор на Светската здравствена организација, Тедрос Адхан Гебрејесус: „Барањето луѓето да останат дома и ограничувањето на движењето на населението претставува купување време и помал притисок врз здравствениот систем. Но, тоа само по себе нема да ја искорени епидемијата.“
СПИСАНИЕТО „Емитер“ дава свој прилог за подобра онлајн-настава со опширен напис и упатство за инсталација и користење на бесплатната апликација ZOOM.
ЗЕМЈОТРЕС со магнитуда од 7,5 степени по Рихтерова скала ги погоди денес Курилските острови близу Русија, и има опасност од цунами на бреговите.
ПОВЕЌЕ од половина милион Британци се пријавија доброволно да помагаат на Националната здравствена служба.
