- Битката за Бахмут трае повеќе од седум месеци.
- Секој ден – стотици загинати руски војници и платеници, според украински извори, руските загуби се 20.000 загинати од август до февруари.
- Американскиот секретар за одбрана Лојд Остин изјави дека евентуалната победа на руските сили во Бахмут нема да го ја смени насоката на војната во поширока смисла.
Битката за Бахмут трае повеќе од седум месеци. Рускиот ракетен терор кој се интензивира на 1 август, нанесе огромни штети. Битката за овој град во источниот дел на Украина веќе досега предизвика ужасни жртви.
Во градот со население од 80.000 жители пред целосната руска инвазија, сега се проценува дека се останати само околу 4.000 цивили.
Украински извори од боиштето за ЦИВИЛ Медиа потврдуваат дека руската страна трпи огромни губитоци секојдневно. Според сведоштвата, на повеќе места во јужните предградија се води беспоштедна битка гради в гради, често и во исти станбени блокови и исти станови во зградите зафатени со борбите.
За поместување на фронталната линија од само неколку метри до максимум 50 метри, руските сили губат стотици војници и платеници секој ден. Вистинска машина за мелење човечко месо. Меѓу агресорите има голем број тешки криминалци, пуштени од затворите да ја заработат својата „слобода“ со учество во крвавиот напад на Бахмут.
На руските регрути и платеници им е издадена команда да не употребуваат огнено оружје, за да штедат муниција. Наместо тоа, напаѓаат со мали пешадиски лопати од 19-от век.
Путин и Групата Вагнер постојано трупаат нови војници и платеници на урбаниот фронт во предградијата на Бахмут, но ним им недостасува обука, а во последно време и муниција, така што не е чудно што загубите се огромни.
Според украинските воени извори, во битката за Бахмут од август до крајот на февруари, руската страна изгубила повеќе од 20.000 војници и платеници .
Американскиот секретар за одбрана Лојд Остин изјави дека Бахмут има повеќе „симболична вредност“, отколку „стратешка и оперативна вредност“. Тој смета дека евентуалната победа на руските сили во Бахмут нема да го ја смени насоката на војната во поширока смисла.
„Падот на Бахмут нема нужно да значи дека Русите ќе ја променат насоката на војната“, изјави Остин, зборувајќи на прес конференција за време на официјалната посета на Јордан.
Тој одби да шпекулира за тоа како би можела да се одвива битката.
Украинските власти соопштија дека руските сили не презеле целосна контрола врз источниот украински град.
Во своето ноќно обраќање, украинскиот претседател, Володимир Зеленски, изјави дека властите се подготвуваат за војна против Русија која очекуваат да продолжи во втората година. Веќе се работи за зајакнување на капацитетите за греење за следната зима.
Украинските трупи „продолжуваат да нанесуваат големи загуби“ на руските воени и платенички сили во Бахмут, соопшти Институтот за проучување на војната, иако се вели дека украинските сили веројатно спроведуваат и „ограничено борбено повлекување“ од областа. Одбраната на градот има смисла од перспектива на Киев „сè додека украинските сили не трпат прекумерни жртви. Оваа битка значително ги истроши руските трупи и опрема“, се вели во извештајот на Институтот.
Џ. Дерала
Извор: ЦивилМедиа
