Украина денес се наоѓа во 377-от ден војна, откако Русија изврши инвазија врз земјата.
Ова се главните теми кои го одбележаа денешниот ден.
Политика
Новоизбраниот претседател на Чешка, пензионираниот генерал Петр Павел, се спротивстави на идејата за испраќање западни борбени авиони за помош на Украина и предупреди дека тоа ќе го комплицира конфликтот ако тие бидат испратени сега.
Канцеларијата на Високиот комесаријат за човекови права на ОН забележа 21.793 цивилни жртви во Украина – 8.173 убиени и 13.620 повредени – од 24 февруари 2022 година, што го означи почетокот на големиот вооружен напад од страна на Руската Федерација, до 5 март. 2023 година.
Постери со ликот од немилосрдно егзекутираниот украински војник во знак на поддршка на достоинствената борба на Украинците ги преплавија социјалните мрежи, отакако се појави потресната видео снимка од бруталната и ладнокрвна егзекуција на невооруженио украински војник.
Генералниот секретар на ОН, Антонио Гутереш денеска и утре ќе престојува Кијив каде ќе се сретне со украинскиот претседател Володимир Зеленски, најави денеска портпаролот на ОН, Стефан Дизариќ.
За ова лето најавен е голем концерт, за 24 јуни на „Вембли“ стадионот во Лондон, Велика Британија, кој ќе биде посветен на украинскиот народ и жртвите од руската инвазија врз Украина. Меѓу поканетите се „Ролинг стоунс“, „Ју-ту“, Адел, Пол Макартни, Пинк, Ноел Галагер, „Флоренс енд д’Машин“ и многу други пејачи и групи.
Европската унија во вторникот одлучи да санкционира девет лица, вклучително и високи функционери на руската армија вклучени во бруталната инвазија на Украина и три ентитети обвинети за кршење на правата на жените во големи и систематски размери.
Фронт
Потресна видео снимка од брутална и ладнокрвна егзекуција на невооружен украински војник што веројатно ја спроведуваат припадници на руските окупаторски сили, се појави на социјалните мрежи на 6 март.
Познат е идентитетот на невооружениот украински војник кој, пред камера, беше брутално убиен од руските агресори
Интензивните борби продолжуваат во и околу источниот украински град Бахмут, додека Кијив и Москва се борат со недостиг на муниција и зголемени жртви, а односите помеѓу платеничката група Вагнер и Кремљ стануваат сé понапнати.
Украинското Министерство за надворешни работи објави на Твитер две слики од градот Маринка во источниот регион Доњецк во Украина. Министерството напиша дека градот е срамнет со земја.
Подготви: А. Ристески
