Генералната секретарка на Амнести интернешенел Агнес Каламар денеска ја осуди извршната наредба на американскиот претседател Доналд Трамп за воведување санкции против Меѓународниот кривичен суд (МКС) како „непромислена“.
– Тоа е одмазднички, агресивен и брутален чекор за уништување на глобалните правила кои имаат за цел да обезбедат правда за сите, рече Каламар во соопштение, додавајќи дека санкциите го поткопуваат деценискиот меѓународен напредок, пренесе Си-Ен-Ен.
Таа ја истакна важноста на институциите како Меѓународниот кривичен суд за понатамошна „заштита на човековите права, спречување идни злосторства и обезбедување правда за жртвите“.
